أنواع بنادق ضغط الهواء (الرش)
بنادق ضغط الهواء مش نوع واحد زي ما ناس كتير تظن، لكن يوجد منها عدة أنواع تختلف في الاسلوب وطريقة العمل زي بالضبط السيارات المانيول والأتوماتيك واللي بتعمل بالبنزين أو الكهرباء أو الغاز الطبيعي.
النوع الأول هو (الاسبرينج): ودة هو الأسلوب المتعارف عليه قديماً واللي بيعتمد على سوستة داخل تجويف في جسم البندقية يسمى (الكانون) وبيستم عبارة عن اسطوانة معدنية مجوفة وعلى رأسه قطعة من الفيبر المرن تسمى "جلدة بستم" ووظيفة البيستم إنه يدفع الهواء الموجود داخل الكانون بقوة دفع ناتجة عن إنفلات السوستة، فبمجرد ما تكسر السبطانة (الماسورة) بيتم ضغط السوستة مع البيستم لغاية ما البستم يتم حجزه عن طريق لسان الزناد، وبمجرد ما تضغط على الزناد يتم تحرير السوستة مع البستم دافع معاه الهواء إلى السبطانة والمقذوف.
 |
| سوستة "اسبرينج" بالنظام العادي |
النوع الثاني (النيترو بيستون - الجاز رام): النظام الأول دة تم تطويره بعد كدة باستبدال السوستة بنظام (جاز رام او نيترو) وهو ذراع هيدروليك أشبه ما يكون بمفصلة ضلف المطبخ أو شنطة السيارة ودة بيساعد على ثبات البندقية أكثر من نظام السوستة لأن إرتداده بيكون في اتجاه واحد عكس السوستة اللي رد فعلها بيكون عشوائي وغير معلوم ودة بيزيد في نسبة ضعف الدقة على المسافات البعيدة.
 |
| شرح داخلي لآلية عمل نظام N-TEC |
 |
| نظام N-TEC من ديانا كبديل للسوستة |
 |
| نظام نيترو بيستون من شركة كروسمان |
وزي ما بيختلف طريقة العمل بتختلف كمان طريقة (التعشيق) أو التعمير، فيه بنادق بتتعشق عن طريق كسر السبطانة، وفيه اللي بيتعشق عن طريق عتلة أو زراع جانبي أو ذراع للأسفل، وفي الجميع النهاية والغاية واحدة، وهو ضغط السوستة والبستم لغاية ما يلقط لسان الزناد.
 |
بندقية اسبرينج بنظام كسر السبطانة
|
 |
بندقية بنظام عتلة سفلية
|
النوع الثالث هو نظام CO2: ودة كان بداية الطفرة الحقيقية في عالم البنادق الهوائية واللي كان بوابة لعالم بنادق الضغط المسبق واللي لابد يكون لها منشور منفرد واتكلمنا شوية عنه في المنشور اللي فات وهنتكلم عنه وعن ال PCP باستفاضة.
ولشرح أوفى بنماذج بنادق على الطبيعة دة فيديو قديم على قناتي بيشرح الكلام دة باستفاضة
إضغط هنا
ليست هناك تعليقات:
إرسال تعليق